پەیوەندی نێوان تیژی چاو و مادەی ئاسن

پەیوەندی نێوان تیژی چاو و مادەی ئاسن

(لَقَدْ كُنْتَ فِي غَفْلَةٍ مِنْ هَٰذَا فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ) .( سورە ق) واتە: “تۆ لە ئەم ڕۆژە غافڵ بووی ئەوا ئەمڕۆ پەردەكەمان لە ڕووت لادا و ئەمڕۆ چاوەكانت زۆر تیژن.”
لە ڕۆژی قیامەتدا زۆر شت هەن كە دەگۆڕێن و هەستەوەرەكانیش بەشی زۆر لەو گۆڕانكارییانە وەردەگرن، خوای گەورە بۆ ئیمانداران هەستەوەرەكانیان بەهێز دەكات تا بتوانن خوای خۆیان ببینن و زیاتریش چێژ لە خۆشییەكانی بەهەشت وەرگرن، بە هەمان شێوە بۆ خراپەكارانیش تا زیاتر بینەری سزاو ڕیسواییەكانیان بن (پەنا بەخوا).
 ئەوەی لێرەدا جێی باسكردنە ئەوەیە، ئایا چاوی تیژ ئەكرێ هیچ یەیوەندییەكی بە كانزای ئاسنەوە هەبێت كە خوای گەورە ئەو وشەی (حدید)ەی هێناوە كە ئەكرێ‌ واتای تیژبوون و زیادبوونی هەستی بینینی لێوەرگرین و دەشكرێ‌ لێكۆڵینەوە بكرێ‌ لەسەر ئەوەی پەیوەندییەك هەبێت لە نێوان تیژبینی و ئاسندا چونكە قورئان لەدانانی وشەكانیشدا هەر موعجیزەیە.
 (د. زەید قاسم محەمەد) لە یوتوب لە ژێر ناوی (دۆزینەوە و داهێنانەكان لە قورئانەوە) باس لەو پەیوەندییە دەكات كە لە نێوان بینین و مادەی ئاسندا هەیە، لە درێژەی باسەكەیدا دەڵێت: شەبەكییەی چاو كە بەشێكی سەرەكی و گرنگی چاوە پڕە لە ملولەی خوێنی زۆر ورد كە كاریان پاراوكردنەوە و گواستنەوەی ئۆكسجین و خۆراكە بۆ خانەكانی شەبەكییەی چاو تا هەمیشە لە تازەكردنەوەدا بێت، ئەم ملولە خوێنانە زۆر زۆر وردن بەشێوەیەك تیرەی ملولەكان (8/1000000)ی ملیلیترێكە بۆ ئەوەی بینایی مرۆڤ سەلامەت بێت دەبێت خوێن بەو ملولە زۆر وردانەدا بە ئاسانی هاتوچۆ بكات!! ئەوەی ئەو هاتوچۆیە زامن دەكات بریتییە لە ماددەی ئاسنی ناو خوێن، چونكە ماددەی ئاسن لەسەر هیمۆگلۆفینە سورەكانە و بوارێكی موگناتیسی پێچەوانە لەگەڵ دیواری ملولە خوێنەكاندا دروست دەكات، ناهێڵێت دیوارەكانی پێكەوە بنوسێ‌ و بەوشێوەیە خوێن بە ئاسانی هاتوچۆ دەكات و شەبەكییەی چاو هەمیشە بە پاراوی و تازەبونەوە دەمێنێتەوە و بینایش سەلامەت دەبێت.
دكتۆری ناوبراویش لێكۆڵینەوەی زانایانی ئەو بوارەش بە زمانی ئینگلیزی نقڵ دەكات كە دۆزینەوەیەكیان كردوە لەسەر گیران و كوێربونەوەی ملولە خوێنەكانی چاو و دەڵێن پەیوەندی هەیە لە نێوان كەمبوونەوەی ماددەی ئاسن لە لەشدا لەگەڵ نزمبوونەوەی ئاستی بینین، ئامۆژگاری ئەوەشیان كردووە كە دەبێت بزانرێت كەمبوونەوەی ماددەی ئاسن لە خوێندا دەبێتە هۆی دروستبوونی گرفت لە چاودا.
گەورەیی و ستایش هەر شایستەی خوایە كە لەیەك ئایەتدا هەواڵی قیامەت و چارەسەری نەخۆشییەكانی دونیا و حەقیقەتی زانستی دەگەیەنێت. كوا كێ‌ دەتوانێ‌ كاری لەو شێوە بكات؟؟