مریشكی ئاوریشمی

مریشكی ئاوریشمی جۆرە مریشكێكی دێرینە (13) سەدە دەبێت دۆزراوەتەوە و لە ڕەچەڵەكدا لە ئاسیا ژیاوە (چین و ژاپۆن و ئیندونوسیا)، یەكێكە لە سەیرترین جۆری مریشك، پەڕەكەی لە (پەمو – لۆكە) دەچێت و پێستەكەی و گۆشتەكەی و تەنانەت ئێسكەكانیشی ڕەنگیان ڕەشە، وەك لە وێنەكاندا دەردەكەوێت، لە ژاپۆنەوە گواستراوەتەوە بۆ ئەوروپا و لە ئەوروپا پێی دەڵێن مریشكی ئاوریشمی، گۆشتی ئەم جۆرە مریشكە ڕەگەزی ڤیتامینی زۆری تێدایە و هەروەها بەوە لە مریشكی ئاسایی جیا دەكریچتەوە كە لە هەر قاچێكیدا (5) پەنجە هەیە.