وێنەو ئیعجاز:ئیمپراتۆریەتی ئینكا

ئیمپراتۆریەتی ئینكا 

پەروەردگار دەفەرموێت:( وكم أهلكنا من قرية بطرت معيشتها فتلك مساكنهم لم تسكن من بعدهم إلا قليلا وكنا نحن الوارثين ( 58 )، واتە: خەڵكی زۆر شارو دێهاتمان لە ناوبرد لەبەر خۆشگوزەرانیان یاخی بوون، سوپاسی چاكەكانی خوایان نەكرد، جا ئەوە جێ‌ و شوێنەكانیانە لە پاش تیاچوونی ئەوان بۆ ماوەیەكی كەم نەبێت لەلایەن ڕێبوارانەوە كەسی تیا نیشتەجێ‌ نەبوە، وە ئێمە بوینە میراتگریان.

(ئەمە وێنەی یەكێك لە شارەكانی ئیمپراتۆریەتی (ئینكا) یە)
ئیمپراتۆریەتی ئینكا (كە گەورەترین ئیمپراتۆریەكانی ئەمریكای باشور بووە لە چاخی بەر لە كۆڵۆمبیدا و خاوەن شارستانیەتێكی گەورە بووە)، پایتەختەكەیان (كسكو) لەسەر بەرزاییەكانی زنجیرەچیای (ئەندیز) بونیاد ناوە كە 11000 پێ‌ لەئاستی ڕووی دەریا بەرزترە و ڕووبەرەكەی دەگاتە (990000كیلۆمەتر چوارگۆشە) و پڕبووە لە پەرستگا و كۆشك و گوزەرانی خەڵكەكەشی خۆش و نایاب بووە. دواجار لەساڵی 1533دا و لەمیانەی هێرشیان بۆ ئەمریكای لاتین ئیسپانیا داگیریكرد.