هەیڤ نیشانەی روناككردنەوەی شەوانيی تاریكی دونیای مرۆڤەكانە.

ئێستا گۆڤاری هەیڤ لە كتێبخانەی هەموو شارەكانی هەرێمی كوردستاندا دەست دەكەوێت

 

م. نەشئەت غەفور سەعید

     بە ئەزمونێكی كەم، و توانایەكی زانستیی سنووردارەوە، پشتمان بە خوای گەورە بەست و بڕیارێكی گەورەماندا ئەویش دەركردنی گۆڤارێكی زانستیی بە هەردوو زمانی كوردی و عەرەبی، بە ناوێكی تا راددەیەك نامۆ ( هەیڤ ) وەك گەشبینییەك بەو ئایەتە پیرۆزەی دەفەرموێت: “ێسْأَلُونَكَ عَنِ اڵاهِڵّەِ قُلْ هِێ مَۆاقِیتُ لِلنَّاسِ ۆالْحَجِّ” (البقرە:189) .. دەربارەی مانگە نوێكان پرسیارت لێدەكەن پێیان بڵێ‌ هەیڤەنوێكان نیشانەی كاتەكانن بۆ خەڵكی و بۆ حەج .. هەروەك چۆن هەیڤ بە هیلال دەست پێدەكات و پاشان گەشە دەكات و دەبێتە مانگی چواردە، و شەوانی ( 13ـ 14ـ 15 ) ی هەموو مانگێكی كۆچیی ئاسمانی دونیا و جیهانی مرۆڤ سپی دەكاتەوە .. گۆڤاری هەیڤیش وەك هیلالێكی تازەپێگەیشتوو دەستی بە گەشە و نوێبوونەوەكرد.. سەرەتا لە هاوینی ساڵی (2002) دا یەكەم ژمارەی گۆڤاری ( هەیڤ ) لە بواری ئیعجازی زانستیی لە قورئان و سوننەتدا بڵاوكرایەوە.. بەو شێوەیە كاروانی ئیعجازی زانستیی بەردەوام بوو .. قۆناغێكی بە هێواشی وەك هەیڤەكانی ئاسمان تەواو دەكرد و وەكو پەلكی دارخورمای كۆنی وشك بووی لێدەهاتەوە (ۆالْقَمَرَ قَدَّرْنَاهُ مَنَازِڵ حَتَّی عَادَ كَالْعُرْجُونِ الْقَدِیمِ) یس{39} .. بەڵام هەیڤ لە كەلابوونیدا نەدەوەستا تاوەكو سەر لە نوێ‌ دەستی بە گەشە دەكرد و گەورە دەبووەوە، بەوەش شەوەكانی ئاسمان و حسابی كات و مێژووی مرۆڤەكانی سپیدەكردەوە.. ئەمڕۆش هەیڤ كە لە بەرهەمەكانی ناوەندی كوردستان بۆ ئیعجازی زانستیی لە قورئان و سوننەتە بەم ژمارە نایابەی ژمارە (25) ی ساڵی ( 2012 ) ماوەیەكی گونجاو لە مێژووییەكی رووناك دەبڕێت و بە ویستی خوای گەورە تەمەنی درێژی دەنێتە یازدە ساڵەوە.

كاتێك ئێمە سەرقاڵی بڵاوكردنەوەی ژمارە یەكی گۆڤاری (هەیڤ) بووین، هەندێك پێیان وابوو دوای چەند ژمارەیەكی كەم ئاستی زانستیی و خەزێنەی رۆشنبیریی دامەزرێنەرانی ناوەندی كوردستان و دەستەی نووسەرانی گۆڤارەكە كۆتایی پێدێت و هەیڤ ژمارەی پەنجەكانی دەست تێناپەڕێنێت و دەكەوێتە فەراغی فیكرییەوە.. ئەوان لە بۆچوونەكەیاندا ناهەقییان نەبوو، چونكە پێیان وابوو كە فەرهەنگی ئیعجازی زانستیی رۆشنبیری كورد سنوردارە .. بەڵام تێكۆشانی شاگردانی قورئان و كۆڵنەدانیان و سووربونیان لەسەر بەردەوامی و بەرەو پێش چوون و خۆبەخشییان بۆ خزمەتكردنی ئیعجازی قورئان لە بوارەكانی ئیعجازی زانستی و رۆشنبیرییدا خوای گەورە بە فەزڵی خۆی پێكانی جێگیركرد و دڵەكانی دامەزراند و دەرگاكانی مەعریفەی قورئانی كردەوە ( فمن عمل بما علم علمە الله ما لا یعلم) .. درووشمی شاگردانی قورئانیش فەرموودەیەكی پێغەمبەر بوو صلی الله علیە وسلم ( من استوی یوماە فهو مغبون ).. هەمیشە هەوڵیاندا تاوەكو ئاستی زانستیی و هونەریی دوو ژمارەی گۆڤارەكە وەك یەك نەبن و بەردەوام لە پێشكەوتندا بێت، و بە دڵێكی پڕ لە ئیمانەوە پێشبڕكێیان دەكرد و بە كۆمەكیی خوای گەورە گۆڤارەكە لە زۆر رووبەڕووبوونەوەو بەربەست دەربازی بوو قۆناغ بە قۆناغیش حاڵەتی تەندرووستی باشتر دەبوو هەتا لە بەهاری 2012 دا گەیشتە ژمارە نایاب ژمارە(25).

ئێمە لێرەدا وەك – دەستەی نووسەرانی هەیڤ –  بانگەشەی ئەستێرەی سەرشان و تەواوكاریی و گەیشتن بە كۆتا ئامانجی كاروانە رۆژنامەگەرییەكەمان ناكەین، بۆیە داوا لە هەموو زانا و رۆشنبیران دەكەین لە بوارەكانی ئیعجازی زانستیدا هاوكارمان بن تاوەكو لە ساڵی یازدەهەم و لە ژمارەكانی داهاتووی هەیڤدا بەپشتیوانی خوای گەورە درووشم و كارە هەڵبژێرراوە وردەكەی ” ئیعجازی زانستیی لە قورئان و سوننەت” بە ئەنجام بگەیەنین و گۆڤارێكی باشتر و وێنەی تەواوتر و رۆشنبیریی قوڵتر و بەرهەمی بەكەڵكتر و زیاتر بە خوێنەرانی بەڕێز پێشكەش بكەین .. ( ومن الله حسن الجزا‌ء ).

رێگای ئیعجازی زانستیی لە قورئان و سوننەتی پێغەمبەردا .. رێگایەكی درێژەو هەمیشە پیتی ( سین ) ی ( المستقبلیە ) ی پێش كەوتووە

(سَنُڕیهِمْ ا‌ێاتِنَا فِی اڵافَاقِ ۆفِی أَنْفُسِهِمْ حَتَّی ێتَبَێّنَ ڵهُمْ أَنَّهُ الْحَقُّ أَۆڵمْ ێكْفِ بِرَبِّكَ أَنَّهُ عَڵی كُلِّ شَیْ‌وٍ شَهِید). [فصلت:53]..

راستە .. ئەوە رێگای مرۆڤی ئیماندارە بۆ بەهەشتێك كە پانتاییەكەی ئاسمانەكان و زەوییە و بۆ پارێزگاران ئامادەكراوە..

لێرەوە ئێمە هەموو تێكۆشانی سەربازانی خوای گەورە لە بازنە و گۆڕەپانی موبارەكی زانستدا لە گۆڤارەكەدا دەنرخێنیین– بارك الله فی جهودهم –  داوای بەرەكەت و پاداشتی خوای گەورەش  بۆ هەموو ئەوانە دەكەین كە بە كات و رۆشنبیریی و بیركردنەوە و پێشنیار و تێبینیی و ماڵیان هاوكاری گۆڤارەكەیان بۆ خزمەتی قورئانی پیرۆز و سوننەتی درووستی پێغەمبەر كردووە..

و الحمد لله رب العالمین

ربیع الثانی 1433 ـ نیسان 2012