بەكتریای گۆشت خۆر و شزوزی جنس

184 جار ئه‌م بابه‌ته‌ خوێندراوه‌ته‌وه‌

خوای گەورە كۆمەڵگای مرۆڤایەتی لە سەر چەند بنەما و رێسایەك داڕشتوە كە هەر لادانێك لەو پڕۆگرامە كۆمەڵگا بەرەو هەڵدێر دەبات و

بە لەناوچونی خۆیان كۆتایی دێت! بە نمونە كاتێك خوای گەورە باسی نەتەوەی لوط (علیه السلام) دەكات، بە دەست درێژكار و لە سنور دەرچوو ناویان دەبات و، هەڵسوكەوتی ئەوان بە خراپەكاری بەد ڕەوشتی پێناسە دەكات كە ئەویش شزوزی جنسیە (Homosexaulity)، كە هۆكاری سەرەكی نەهێشتنی خێزان و سەر لە بەری بەها مرۆڤایەتیەكانە، لە ڕوی تەندروستیشەوە توشی چەندەها نەخۆشی كوشندەیان دەكات، كە بنبڕكردنیان تاڕادەیەكی زۆر ئاستەمە، هەر لەبەرئەوەشە پێغەمبەر (صل لله عليه وسلم) دوپاتی كردۆتەوە كە دەبێت هاوڕەگەزبازانی نێر بكوژرێن و تەنانەت سێ‌ جار نەفرینی لێ‌ كردون.

خوای گەورە لە چەند شوێن لە قورئانی پیرۆزدا باسی گەلی  لوط (علیه السلام)ی كردوە: 

{كَذَّبَتْ قَوْمُ لُوطٍ الْمُرْسَلِينَ (160) إِذْ قالَ لَهُمْ أَخُوهُمْ لُوطٌ أَلا تَتَّقُونَ (161) إِنِّي لَكُمْ رَسُولٌ أَمِينٌ (162) فَاتَّقُوا اللَّهَ وَأَطِيعُونِ (163) وَما أَسْئَلُكُمْ عَلَيْهِ مِنْ أَجْرٍ إِنْ أَجْرِيَ إِلاَّ عَلى رَبِّ الْعالَمِينَ (164) أَتَأْتُونَ الذُّكْرانَ مِنَ الْعالَمِينَ (165) وَتَذَرُونَ ما خَلَقَ لَكُمْ رَبُّكُمْ مِنْ أَزْواجِكُمْ بَلْ أَنْتُمْ قَوْمٌ عادُونَ (166) قالُوا لَئِنْ لَمْ تَنْتَهِ يا لُوطُ لَتَكُونَنَّ مِنَ الْمُخْرَجِينَ (167) قالَ إِنِّي لِعَمَلِكُمْ مِنَ الْقالِينَ (168) رَبِّ نَجِّنِي وَأَهْلِي مِمَّا يَعْمَلُونَ (169) فَنَجَّيْناهُ وَأَهْلَهُ أَجْمَعِينَ (170) إِلاَّ عَجُوزًا فِي الْغابِرِينَ (171) ثُمَّ دَمَّرْنَا الْآخَرِينَ (172) وَأَمْطَرْنا عَلَيْهِمْ مَطَرًا فَساءَ مَطَرُ الْمُنْذَرِينَ (173) إِنَّ فِي ذلِكَ لَآيَةً وَما كانَ أَكْثَرُهُمْ مُؤْمِنِينَ (174 الشعراء

 لێرەدا دەپرسین بۆچی خوای گەورە كردەوەكانیانی بە كاری خراپ و قێزەون ناوبردوە؟ وە بۆچی پێغەمبەر (صل لله عليه وسلم)نەفرەتی لێكردون و فەرمانیداوە بە كوشتنیان، هەرچەندە هەندێك لەم سەردەمەدا بەرگریان لێ‌ دەكەن بەو بیانوەی كە ئەمە جۆرێكە لە خۆشەویستی و لە خانەی هەڵسوكەوتی تایبەتی مرۆڤەكانە و مرۆڤ سەربەستە تێیدا! وە زیانبەخش نیە و بێ‌ مەترسیە و پێویست بە هیچ هەڵایەك ناكات؟ یان هێندێكی دی بە پاساوی ئەوەی نەخۆشن بەرگریان لێدەكەن! ئەم بابەتەش لە ڕوە زانستیەكەیەوە پەردەی لەسەر ئەو مەترسیانە لاداوە كە توشی ئەوانە دێت كە خویان بەو كارە قێزەونەوە گرتوە، بە هیوای وشیاركردنەوەی كەسە شازەكان تا پەشیمان ببنەوە، لەلایەكەی تریشەوە ئەم باسە ڕویەكی ئیعجازی تێدایە تا دامەزراوی بداتە دودڵەكان و لە دو دڵی ڕزگاریان بكات.

مەترسیەكانی ئەم بەدكاریە هەر لە ڕوی جەستەوە نیە، بەڵكو لە ڕوی دەرونیشەوە كاری نەرێی دەكاتە سەر ئالودەبوانی ئەم كارە:

داڕمانی دەرونی:

زانایان ئەوەیان دۆزیوەتەوە كە مادە سپیەكانی ناو مێشك (white matter) دەوری كەناڵی پەیوەندی نێوان خانەكانی مێشك دەبینن، بەڵام لە كەسە شازەكاندا ئەو مادەیە زۆر كەمە، ئەگەر بەرەو كەمتر بڕوات ئەوا دەبێتە هۆی لە دەستدانی ئەو پەیوەندیە، بەوهۆیەوە مرۆڤەكە توشی خەڵەفاوی و (زهایمر) دەبێت، وە ئەوەی ئێستا لە هەندێك وڵاتانی ئەوروپا و ئەمریكادا هەیە لە دروستكردنی خێزان لەسەر شێوەی پێوەندی سێكسی شاز لە نێوان پیاو و پیاو و ژن و ژن، لێكۆڵینەوەكان دەریانخستوە كە ڕێژەی توندوتیژیی لەنێوانیاندا 18 جار زیاترە لە خێزانی ئاسایی، وە ڕێژەی لێدان بە ڕێژەی %30 زیاترە بە پێی زانیاریی ئەم دەزگایەtatistics Canada، Canada›s National Statistical) Agency، July 7، 2005.).

ئایدز و بەكتریای كوشندە:

نەخۆشی زۆر هەن لە ئەنجامی شزوزی سێكسیەوە توش دەبن، لە سەرو هەمویانەوە نەخۆشی ئایدز، كە تا ئێستا بە گوێرەی ڕاپۆرتی ڕێكخراوی تەندروستی جیهانی (WHO) لە ساڵی 1981 وە تا ئێستا نزیكەی 35 ملیۆن كەس بەم نەخۆشیە گیانی لە دەستداوە..

لێكۆڵەرەوانیش زۆربەیان لەسەر ئەوە هاوڕان كە زۆربەی ئەوانە له شازەكان بون…

یەكێكی تر لەو توێژینەوانەی كە لەپێگەی (بی بی سی) و (الجزیرة)دا بینیم و توشی سەرسوڕمان بوم باسی لەو نەخۆشیانە دەكرد، لە سەنتەری پزیشكی ئەمریكی سەلماندویانە، ئەو پیاوانەی كاری نێربازی ئەنجام دەدەن زۆرینەیان توشی زنجیرەیەكی نوێ‌ لە بەكتریای بەرگریكار دەبن كە بەدژە بەكتریا ناسراوە و پێی دەوترێت بەكتریای گۆشت خۆری مرۆڤ! توشبون بەم بەكتریایە لە ناو كەسە شازەكان 13جار زیاترە وەك  لە كەسانی دی، وە توشبون بەو جۆرە كە ناسراوە بە (بەكتریای ستافیلو كۆكس ئوریس/ بەرگریكاری دەرمانی میزسلینەكان) دەبێتە هۆی هەوكردنێكی قورس (MRSA) ئەم جۆرە بەكتریایە زۆرترین بەرگری (antibiotic) دژە بەكتریا دەكەن.

 

 توێژینەوەكان زنجیرەیەكی تازەیان لەم بەكتریایە دۆزیوەتەوە كە لە ڕابردودا تە نها لە نەخۆشخانەكاندا هەبوە بەڵام ئێستا بەرگری زۆربەی دژە بەكتریا بەهێزەكان دەكات، كە دەگونجێت بە ئاسانی لە كەسێكەوە بۆ كە سێكی دی بگوازرێتەوە.

یەكێكی دی لەو تۆێژینەوانەی لەلایەن (دكتۆر بنەدیب)ە وە كراوە كە لێكۆڵەرەوەیە لە مەڵبەندی پزیشكی لە نەخۆشخانەی (سان فرانسیسكۆ) دەڵێت: (زۆرینەی  ئەو كەسانەی توشی ئەم بە كتریایە دەبن لە هەندێك شوێن لە پێستیاندا، دەرئەنجامی ئەم كارە شازە و بە تایبەتی لە ناوچەی (كاسترۆ)ن، لە (سان فرانسیسكۆ)ی ولایەتە یەكگرتوەكانی ئەمریكا كە مۆڵگەی شازەكانە.).. شایەنی باسە ڕێژەی ئەوانەی توشبون بە شێرپەنجەی پێست لە ناو شازەكان زۆرە، كە ناسراوە بە Kaposi sarcoma تا ئێستاش لێكۆڵینەوە لە سەر ئەم نەخۆشیە دەكرێت كە بە زۆری لە شازەكانی (لوس ئە نجلس و كالیفۆرنیا)دا هەیە..

 

 ئەمەش وای كردوە كە دكتۆرەكان بترسن لە بڵاونەوەی ئەم میكرۆبە بە شێوەیەكی فراوان و بەربڵاو، كە ئەو كاتە زۆر ئە ستەمە ڕێی لێ‌ بگیرێت و كۆنترۆڵ بكرێت و زیانەكانی كەمبكرێتەوە، لە پێگەیەكی سەر بە موحافیزكارەكانی ئەمریكا توشی سەرسوڕمان بون لەوەی كە ئەوانەی بەم جۆرە بەكتریایە دەمرن ڕێژەیان زیاترە لە نەخۆشی ئایدز! هەروەها پێگەی (بی بی سی) بەریتانی كە لە تۆیژینەوەیەكدا ئاشكرایكردوە جۆرێكی نوێی لە بەكتریای توند كە ناسراوە بە MRSA دەبێتە هۆی توشبون بە هەوكردن و توشبون بە برینی قورس لەسەر سیەكان، كە سەر ئەنجام دەبێتە هۆی خواردن و شی بونەوە و ڕزینی شانەكانی سی. لەگەڵ دروستبونی دومەڵی گەورە لەسەر پێست و خواردنی، لە هەندێ‌ كاتیش دەبێتە هۆی ژەهراوی بونی خۆێنی كوشندە.

 

 وە یەكێك لە پێگە ئەمریكیەكان دەڵێت زۆربەی هاوڵاتیان ئاگاداری ترسناكی ئەم كارە نین، وە پێویستە هاوڵاتیان جیابكرێنەوە بە واتە ئەوانەی بەهۆی (شذوذ)ە وە توشدەبن! وە ڕێكخراوی تەندروستی جیهانی هۆشداری دەداتە ترسناكی ئەو نەخۆشیانە گەر بێت و كۆنترۆل نەكرێن لەبەرئەوەی بە دەست لێدانێك لە كەسی توشبوەوە بە ئاسانی دەگوازرێتەوە بۆ یەكێكی دی، هەر لەبەرئەوەیە ڕێكخراوی ناوبراو بە دەیان ملێون دۆلار خەرج دەكات بۆ خۆپاراستن لەو نەخۆشیە، بۆ كەسانی بێتاوان كە بەهۆی كاری نێربازی هاوسەرەكانیانەوە توشدەبن یان ئەوانەی لە ڕێی خوێنەوە بۆیان دەگوازرێتەوە.. زۆربەی ئەو نەخۆشیانە بە هۆی لادانی سێكسی دەگوازرێنەوە كە ناسراوە بە sexually transmitted disease (سوزەنك، سیلان، ئایدز، برین و هەڵئاوسانی ئەندامی زاوزێ‌، ڤایرۆسی جگەرB ،Gental Warts، Genetal Herpes، Chanchroid، Granuloma Inguinalis، Syphilis، Gonorrhea، AIDS ،Hepatitis B ) وە هەندێ‌ نە خۆشی دیكە..

 

 هەروەك پێغەمبەر  دەفەرموێت:«ولَمْ تَظْهَرِ الْفَاحِشَةُ فِي قَوْمٍ قَطُّ حَتَّى يُعْلِنُوا بِهَا إِلا فَشَا فِيهِمُ الطَّاعُونُ وَالأَوْجَاعُ الَّتِي لَمْ تَكُنْ مَضَتْ فِي أَسْلافِهِمِ الَّذِينَ مَضَوْا , رواه الحاكم في مستدركه عن عبد الله بن عمر , وصححه السيوطي, وقال الالباني حدي

واتا: لە هەر كۆمەڵگایەك بەرەڵایی سێكسی بەبێ‌ شەرمانە بڵاوبوەوە و بوو بە دیاردە، ئەوا نەخۆشی و پەتای كوشندە تیایاندا بڵاودەبێتەوە كە پێشتر نەبوە لە نێویاندا. وە خێرا بڵاوبونەوەی ئەم نەخۆشیانە بەهۆی ئالودەبون بە پێوەندیە سێكسیە نادروستەكان بەڵگەیەكی ڕونی دیكەیە لەسەر پێغەمبەرێتی محمد(صل لله عليه وسلم) .

ڕوی ئیعجاز:

خوێنەری بەڕێز.. ئەوەی لە پێشەوە باسمانكرد ئەوەیە كە لەم سەردەمەدا مرۆڤەكان دوای لێكۆڵینەوە و گەڕان مەترسی ئەو كارە قیزەونەیان بۆ دەركەوتوە بە پشت بەستن بە زانست و تەكنۆلوجیای تازە، وە لەناو خەڵكانێكدا كە زۆربەیان بێ‌ دینن و بگرە زۆربەشیان بەهیچ ئاینێكەوە پابەند نین.. دەرئەنجامی ڕەفتاری (شاذ)ی نامرۆڤانەی لە ڕیز دەرچوی فیترەتی مرۆڤایەتی دەبینن كە چۆن ڕاستەوخۆ لێیان دەردەكەوێت بە جۆرێك مەترسیەكانی ناشاردرێنەوە و هیچ پاساوێك نیە ببێتە بەرگریكار بۆ برەودان یان ڕێگە ئاسانكردن بۆ ئەو ڕەفتارانە. خۆ ئەگەر لەژێر هەر ناو و پاساوێكدا بكرێت ئەوا پاشینەی باش نابێت و كۆمەڵگەی مرۆڤایەتی دوور نیە دوچاری نەهامەتیەكی گەورە نەكاتەوە.. ئەمە لە دونیادا خۆ لە قیامەتیشدا وەزعیان لەوە باشتر نابێت هەروەك خوای گەورە ئاگاداری كردونەتەوە، خۆ ئەگەر لە دەرئەنجامەكانی ئەو نەخۆشیە كوشندانەوە سەیری ئەم هەڵسەكەوتە ناشرینە بكەین ئەوە هەرگیز هیچ خاوەن عەقلێك گومانی لە ڕاستی و دروستی ئایەتەكانی خوای گەورە نابێت.

لەم ئایەتە پیرۆزانەدا بۆمان دەردەكەوێت كە گەلی لوط (علیه السلام) چەند سەركەش و بێشەرمانە و بێ‌ هیچ دو دڵیەك داوای ڕادەستكردنی میوانەكەیان دەكرد تا ئەو كارە بێزراو و ناشرینە لەگەڵیاندا بكەن! ئەوەتا خوای گەورە ئاماژە دەكات بە پاكژی شوێنكەوتوانی پێغەمبەرەكەیان و بە پیسی خراپەكارانی نەتەوەكەی كە هەڵگری نەخۆشی بون بە جۆرێك كە پێوەیان دەركەوتوە، لە دوو سورەتی جیای قورئانی پیرۆزدا وەك دەفەرموێت:وَمَا كَانَ جَوَابَ قَوْمِهِ إِلَّا أَن قَالُوا أَخْرِجُوهُم مِّن قَرْيَتِكُمْ ۖ إِنَّهُمْ أُنَاسٌ يَتَطَهَّرُونَ (82) الاعراف

وَلُوطًا آتَيْنَاهُ حُكْمًا وَعِلْمًا وَنَجَّيْنَاهُ مِنَ الْقَرْيَةِ الَّتِي كَانَت تَّعْمَلُ الْخَبَائِثَ ۗ إِنَّهُمْ كَانُوا قَوْمَ سَوْءٍ فَاسِقِينَ (74)الأنبیاء.

ئەو پەندانەی لەم ئایەتە پیرۆزانە وەردەگرین:

یەكەم: شزوزی جنسی یەكێكە لە كارە قێزەونەكان، هەروەك بینیمان چۆن ئەم كارانە دەبێتە بڵاوبونەوەی چەندەها ڤایرۆس و میكرۆبی ترسناك لەگەڵ توشبونی شێرپەنجە، شوێنكەوتوانیلوط (علیه السلام) بەرنامەی خودایان جێبەجێ دەكرد لە داوێن پاكی و خۆپاكردنەوەدا، سنوری خوای گەورەیان نەدەبەزاند هەر لەبەرئەمە بوو گەلەكەی تۆمەتباریان دەكرد بەوەی ئەوان خۆ پاكڕاگرەكانن!! ئەو ئایەتە پیرۆزانە ئەوەشمان بۆ دەسەلمێنێت كە شزوزی جنسی پێچەوانەی پاكڕأگرتنە و پێچەوانەی بەها مرۆڤایەتیەكانە!

دوەم: ئەو سزایەی خوای گەورە بەسەر گەلی لوط(علیه السلام) سەپاندی، بوو بە بەزەی و سۆز بۆ مرۆڤایەتی چونكە ئێمە دەزانین كە ئاینی ئیسلام دەست پێشخەربوە لە سەرەتاوە بۆ (الحجر الصحي) جیاكردنەوەی تەندروستی بۆ نەخۆشیە ئاسایەكان، پێغەمبەردەربارەی نەخۆشیە گواستراوەكان ئاماژەی بە جیاكردنەوەیان داوە، بەڵام لێرەدا دەبینین جیاكردنەوە بۆ ئەوان جێبەجێ‌ نەكراوە!! ئەویش بەهۆی ئەوكارە چەپەڵەوە (نێربازی) ئەگەر بێت و (الحجر الصحي ) لەسەریان جێبەجێ بكرایە ئەوا ئەمانەوە، هەر لە كاری بەدڕەوشتی و نێربازی بەردەوام دەبون و برەویان پێدەدا نەخۆشیەكانیش هەر ئەمانەوە ئەو كاتە هیچ سودێك بۆ ئەم بەربەست و جیاكردنەوە نەدەمایەوە. بۆیە (بەرد بارانكراون چەند جارێك لە دوای یەك بە قوڕ یان كانزایەكی سورەوە بوو) بە جۆرێكی وا كەسیانی لێ‌ نەپەڕاندون وە لاشەكانیشیان كە لەو ناوەدا بووە هەروا نەهێڵراوەتەوە بەڵكو نغرۆی ناخی زەوی كراون بە بەراود لەگەڵ سزای نەتەوەكانی پێشوو كە بە یەك جۆر لە سزا سزادراون! بۆ ئەوەی ئەو نەخۆشیە كوشندەیە كە توشیان هاتوە دزە نەكات بۆ ناوچەكانی چواردەوری، پاشتریش ناوچەكەیان بۆتە دەریایەكی پڕ خوێ‌كراو (دەریای مردوو)، دوای تێڕامان لە هەموو قۆناغەكانی سزاكە بۆمان ڕون دەبێتەوە كە هیچ جۆرە دزەكردنێكی ڤایرۆس و میكرۆب نییە و نابێت، هەروەها دەریاكە ئەوەندە سوێرە هیچ زیندەوەرێكی تێدا ناژی لەبەربونی خاسیەتی (hyperosmolar) لە ئاوی ئەو دەریایە واتە ئەو ناوچەیەی بۆ كردونەتە تابوتێكی گەورە بۆ ئەوەی هەتا هەتایە پیسی و میكرۆبی ئەوان لە مرۆڤایەتیەوە دوور بێت.

  هەر لەبەر ئەم هۆیەشە پێغەمبەر (صل لله عليه وسلم) سێ‌ جار نەفرینی لێ‌ كردون و فەرمانی كردوە بە كوشتنی نێربازەكان هەروەك دەفەرموێت: (من وجدتموه يعمل عمل قوم لوط فاقتلوا الفاعل والمفعول به). سنن أبی داوود.

هەندێك وێنەی هەڵبژاردە (كە بەهۆی بەكتریای گۆشت خۆرەوە توشی مرۆڤەكان دەبن):

كۆتایی:

كەواتە قورئانی پیرۆز پێش چواردە سەدە ئەم ڕاستیەمان بۆ باس دەكات و، لەم سەردەمەشدا زانست ئەم ڕاستیانەی زۆر بە ڕونی بۆ دەردەكەوێت.. جا ئەمەش شاهێدیەكی ڕونی ترە لەسەر بونی ئیعجاز كە بە تەنها هەر لە قورئان و سونەتدایە بێ‌ هیچ گومانێك.

سه‌رچاوه‌:

1-http:// www.quran-m.com

2)http://www.webmd.com/news/20071016/more-us-deaths-from-mrsa-than-aids

3) Methicillin-resistant Staphylococcus aureus، or MRSA bacteria، http://en.wikipedia.org/wiki/MRSA

4)http://www.aljazeera.net/NR/exeres/D97D2DFE-B3B5-4451-A546-EBDC454B998D.htm

5)http://americansfortruth.com/issues/the-agenda-glbtq-activist-groups/gay-cultur

6)http://news.bbc.co.uk/hi/arabic/sci_tech/newsid_7190000/7190899.stm

7) http://www.cdc.gov/mmwr/preview/mmwrhtml/00001114.htm Gental Warts، Genetal Herpes، Chanchroid، Granuloma Inguinalis، Syphilis، Gonorrhea، AIDS، et

8)http://www.who.int

9)www.kaheel7.com

Share Button

184 جار ئه‌م بابه‌ته‌ خوێندراوه‌ته‌وه‌

Leave a Comment

You must be logged in to post a comment.

Scroll to top