زەردەخەنە

زانایان بۆیاندەركەوت، كە زەردەخەنە زانیاریی زۆر لەگەڵ خۆیدا هەڵدەگرێت، كە دەتوانێت كاربكاتەسەر هەستی نادیار(العقل الباطن)ی مرۆڤ، زەردەخەنە بەخششێكە كە دەتوانین پێشكەشی كەسانی تری بكەین، چونكە خۆشی دەخاتە دڵیانەوە، گەیاندنی زانیاریی بە ئاسانی ‌و زەردەخەنەیەكی جوانەوە كەشی نائارامی و شڵەژاویی دوردەخاتەوە، ئەمەیە كە پارە ناتوانێت بیكات، لێرەدا دەبینین زەردەخەنە لە پارە گرنگترە، بۆیە كەمترین بەخشینێك كە پێشكەشی كەسانی دیكەی دەكەیت زەردەخەنەیە، ئێستا زانیت بۆچی پێغەمبەری میهرەبانی (صلی الله علیە وسلم) دەفەرموێت  ( و تبسمك فی وجهە اخیك صدقە) (زەردەخەنەت بەڕووی براكەتدا خێرە)!!