پڕۆفیسۆر تاجاتات تاجاسۆن‌ دانی نا بە وشەی: ( لا إله إلا الله محمد رسول الله)

1482 جار ئه‌م بابه‌ته‌ خوێندراوه‌ته‌وه‌

بِسْمِ اللهِ الرَّحْمنِ الرَّحِیمِ

وَيَرَي الَّذِينَ أُوتُوا الْعِلْمَ الَّذِي أُنزِلَ إِلَيْكَ مِن رَّبِّكَ هُوَ الْحَقَّ وَيَهْدِي إِلَي صِرَاطِ الْعَزِيزِ الْحَمِيدِ

سەبارەت بە مەڵبەندەكانی هەست له ‌پێست و دەمارەكان و وێنەگرتنی قورئانی
لە كۆنگرەی پزیشكی هەشتەم لە (ریاض) لە سعودیە

پڕۆفیسۆر تاجاتات تاجاسۆن‌ دانی نا بە وشەی: ( لا إله إلا الله محمد رسول الله)

لە پاش ئەو مامۆستا زەندانی بەم وتانە دوا: ئەم زانایە شایەتمانی ئاشكرا كرد, ئەمە پڕۆفیسۆر (تاجاتات تاجاسون ) ,سەرۆكی بەشی توێكاری و كۆرپەله ‌زانییە لە زانكۆی شاینگ مای لە تایلاند, ئێستاش ڕاگری كۆلێژی پزیشكیە هەر لەوێ
Professor Tejasen Chairman of the Department of Anatomy and is the former Dean of the faculty of Medicine, University of Chiang Mai, Chiang Mai, Thailand. سەرەتای پەیوەندیمان لەگەڵ پرۆفیسۆر تاجات تاجاسۆن بەوە بوو كە هەندێ ئایەت و فەرموودەمان پیشاندا, كه ‌پەیوەندی به ‌بواری پسپۆڕیەكەیەوه ‌(توێكاری Anatomy )یەوە هەبوو.
لەوەڵامدا پێی وتین: ئێمەش لە پەرتوكە پیرۆزەكانی بوزیمانداوەسفی ورد هەیە له ‌سەر قۆناغەكانی كۆرپەلە, ئێمەش پێمانووت: زۆر تامەزرۆین تا ئەو وەسفانە بزانین, دەمانەوێت ئەو نووسینانە لە پەرتووكەكانتاندا ببینین, دوای ساڵێك كاتێك هاتەوە بۆ تاقیكردنەوەی دەرەكی قوتابییەكانی كۆلێژی پزیشكی لە زانكۆی مەلیك عبد العزیز, لێمان پرسییەوە, بەڵام ئەو داوای لێبوردنی لێكردین و وتی: بەداخەوە ئەو كاتە وەڵامم دانەوە له ‌سەرئەوەی كە لە پەرتووكی پیرۆزی بوزیماندا وەسفی ورد دەربارەی كۆرپەلە هەیە بەبێ ئەوەی خۆم دڵنیا بم, بەڵام كە لێم كۆڵییەوە بۆم دەركەوت دەقی لەو جۆرە لە پەرتووكی ئێمەدا نییە, لەو كاتەدا موحازەرەیەكی نووسراوی دكتۆر (كیث مور) مان پێشكەش كرد، كە ناونیشانی موحازەرەكە (هاو ئاهەنگی كۆرپەلە زانی بوو لە قورئان و سوننەتدا) , لێمان پرسی: ئایا مامۆستا (كیث مور) دەناسیت؟ وتی: بەڕاستی ئەو پیاوێكە لە گەوره ‌زانا بەناوبانگەكانی جیهان لەو بوارەدا, دوا بەدوای بینینی موحازەرەكە سەرسام بوو, پاشان چەند پرسیارێكمان لە بواری پسپۆرییەكەی خۆیدا لێكرد كە پەیوەست بوو بە باسی پێست لە وەڵامدا پڕۆفیسۆر تاجاتات تاجاسون وتی: بەڵێ ئەگەر سووتان قوڵ بێت, كۆئەندامی هەست كردن بە ئازار لە ناو ئەبات.

وەڕگێرەكەی نێوان زندانی و پڕۆفیسۆر وتی: ئایا گرنگە بەلاتەوە بزانی كە لە پەرتووكی پیرۆزی قورئاندا (1400) ساڵە ئاماژە دراوە بەوەی سزای بێباوەڕان لە ئاگری دۆزەخ بەوەیە كاتێك پێستەكانیان دەسووتێت پەروەردگار پێستی نوێیان بەبەردا دەكاتەوە تا سزای ئاگرەكە بچێژن, كە ئەوەش ئاماژەیە بەو ڕِاستییەی كە هەستە دەمارەكان لە ناو پێستدان و دەقی ئایەتەكەش ئەمەیە( إن الذين كفروا بآياتنا سوف نصليهم نارا كلما نضجت جلودهم بدلناهم جلودا غيرها ليذوقوا العذاب إن الله كان عزيزا حكيما ) ( النسا‌ء:‌ 56).

واتە: ئەوانەی كافرن بە ئایەتەكانی ئێمە, دەیان خەینە ئاگرێك كە هەر كات پێستەكانیان تەواو سووتا خێرا پێستی تریان به ‌بەردا دەكەین هەتا بەردەوام سزا بچێژن, بێگومان پەروەردگار بە هێز و دانایە.

ئایا هاودەنگی لەگەڵمان لەسەر ئەوەی كە ئەوە ئاماژە كردنە بە گرنگی كۆتاییە هەستە دەمارەكان لە پێستدا كە پێش (1400) ساڵ باسكراوە؟

دكتۆر تاجاتات تاجاسون: بەڵێ هاودەنگم لەگەڵتان كە ئەوە زانیاری هەستە دەمارەكانە لە پێستدا لە قورئاندا باسی كراوە, چونكە باسی ئەوە دەكات ئەوانەی بە سووتاندن سزا بدرێن كە پێستەكانیان سووتا پێستی تریان بۆ دروست دەكرێتەوە تا بەردەوام سزا بچێژن, ئەمە واتای ئەوەیە پێش (1400) ساڵ باس لەوە كراوە كە هەست كردن بە ئازار لە پێستدایە بۆیە پێستی نوێیان بۆ دروست دەكرێتەوە, هەر بۆیە پەروەردگار سزای بێباوەڕان لە ڕۆژی دواییدا بە نوێكردنەوەی پێستەكانیان دەدات, وەك دەفەرموێت: (إن الذين كفروا بآياتنا سوف نصليهم نارا كلما نضجت جلودهم بدلناهم جلودا غيرها ليذوقوا العذاب إن الله كان عزيزا حكيما )

بەو جۆرە چەندین ئایەت و فەرموودەمان بۆ باس كرد و پرسیارمان لێكرد: ئایا دەگونجێت ئەو ئایەتانە لەسەرچاوەیەكی مرۆیییەوە بۆ موحەممەد (صلی الله علیه و سلم) هاتبێت؟ 

لە وەڵامدا وتی: بێگومان ئەوە ناگونجێت , وتمان: ئەی لە كوێوە هاتووە؟ وتی: هەرگیز ناگونجێت له ‌سەر چاوەی مرۆیییەوە هاتبێت بەڵام ئەو پرسیارە من ئاراستەی ئێوەی دەكەمەوە ئایا موحەممەد ئەو زانیارییانەی دەبێت لە كوێوە وەرگرتبێت؟ پێمانووت: لە (الله)ەوە (سبحانە و تعالی) , ئنجا پێی وتین: (الله) كێیە؟ وتمان: بنیاتنەری ئەم بوونەوەرەیە, گەر دانایی ببینی, ئەوا بەڵگەی یەكێكی كاربەجێ و دانایە (الحكیم), گەر لەم بوونەوەرەدا زانستت بینی بەڵگەی بە دیهێنەرێكی زانایە (العلیم), گەر شارەزایت بینی لە پێكهاتنی دروست كراوەكاندا بەڵگەت دەداتێ كە ئەوە كاری شارەزایە (الخبیر), وە ئەگەر بەزەییت بینی شایەتیت دەداتێ كە ئەوە لە كاری بە بەزەیییە (الرحیم) , وە بەو جۆرە گەر رێكخستن و یەك سیستەمی و پەیوەندی پتەوی بوونەوەرت بینی بەڵگەت دەداتێ، ئەوە لە كاری بەدیهێنەرێكی تاك و تەنهایە (الواحد) (سبحانە و تعالی) .
دكتۆر تاجاتات دانی بە هەموو ڕاستییەكاندا نا, پاشان گەڕایەوە بۆ وڵاتەكەی و چەند موحازەرەیەكی لەو دیاردانەی كە بینیبووی و بیستبووی دا, دواتر پێمان گەیشت لە دوای موحازەرەیەكی پێنج لە قوتابییەكانی موسڵمان بوون.
كاتی وادەی كۆنگرەی پزیشكی هەشتەمی سعودی هات, پرۆفیسۆر (تاجاتات تاجاسون) بانگهێشت كرا , كۆنگرەكە لە هۆڵێكی گەورەدا سازدرا, كە باسەكانی تایبەت بوو بە ئیعجازی پزیشكی قورئان و سوننەت, چوار ڕۆژ چەندین مامۆستای موسڵمان و ناموسڵمان گوێ بیستی بابەتەكان بوون, لە كۆتایی كۆنگرەكەدا پرۆفیسۆر تاجاتات تاجاسون هەستایە سەرپێ و ئەم وشانەی وت:
“In the last three years, I became interested in the Quran… From my studies and what I have learned throughout this conference, I believe that everything that has been recorded in the Quran fourteen hundred years ago must be the truth, that can be proved by the scientific means. Since the Prophet Muhammad could neither read nor write, Muhammad must be a messenger who relayed this truth which was revealed to him as an enlightenment by the one who is eligible creator. This creator must be God, or Allah.
I think this is the time to say La ilaha illa Allah, there is no god to worship except Allah (God), Muhammad rasoolu Allah, Muhammad is Messenger of Allah…
The most precious thing I have gained from coming to this conference is La ilaha illa Allah, and to have become Muslim.” [ 1 ]

پرۆفیسۆر تاجاتات تاجاسون: (لەم سێ ساڵەی دواییدا خۆم سەرقاڵ كرد بە وەرگێڕانی واتاكانی ئەو قورئانەی كە “مامۆستا عبدالمجید زندانی” پێی دام, هەروەها سەرقاڵی موحازەرەكانی پرۆفیسۆر (كیث مور) بووم , كە (مامۆستا زندانی) داوای كرد وەریان بگێڕمە سەر زمانی تایلاندی و بۆم جێ بەجێ كرد, دەتوانن ئەو وەڕگێراوە لەو كاسێتەدا ببینن كە لە دیراسەكەمدا پێشكەشم كردووە, من باوەڕم وایە هەموو شتەكانی قورئان كە (1400) ساڵە باسكراوە ڕاستەقینەیە, كە ئەمڕۆ دەتوانرێت بە هۆكانە زانستییەكان بسەلمێنرێن, ئەمە لە كاتێكدا بە پێغەمبەر (صلی الله علیە و سلم) توانای بە هیچ جۆرێك نووسین و خوێندنەوەی نەبووە, ئەمەش ئەوە دەگەیەنێت كە موحەممەد (صلی الله علیە وسلم) پەیامبەری خودایە و ئەو زانستانەی لەو ڕێیەوە بە ئێمە گەیاندووە, بێگومان ئەوەش ئەبێت لە ڕێگای سروشەوە لە كردگارێكی زانا بە هەموو شتێكەكانەوە بێت, ئەو كردگارەی كە هەر ئەبێت (الله) بێت, هەر بۆیە ئیدی بە بڕوای من كاتی ئەوە هاتووە من شایەتی بدەم و بڵێم (أشهد أن لا إلە إلا الله و أن محمدا رسول الله).
لە كۆتاییدا پێویستە لە سەرم كە بۆ هەوڵی ئامادەكردنی ئەم وتوو وێژانە سوپاستان بكەم كە بە پلەیەكی بەرز سەركەوتنی بە دەست هێناوە, بێگومان ئەو بڕگانەی بۆ ئەم كۆنگرەیە ئامادەكراوە زۆر قورسە بە قەبارەیە گرنگی منیش لێرەدا تەنها بە لایەنە زانستییەكە نەبووە, بەڵكوو بەو ئەمانەتە مەزنەش بوو كە توانیم بە هۆیەوە سەردانی زاناكان بكەم و هاوڕێی نوێ پەیدا بكەم , بە نرخترین شتێكیش كە لەم كۆنگرەیەدا دەستم كەوتبێت ئەو بیر و باوەرەیە كە (لا إله إلا الله و محمد رسوال الله) یەو بەوەش بوومتە تاكێكی موسڵمان.
مامۆستا زندانی/ خاوەنی ئەم وتەیە ڕاستی فەرمووە:
و قل الحمد لله سيريكم آياته فتعرفونها (سورە‌ النحل: 93)

واتە/ بڵی سوپاس بۆ پەروەردگار كە ئایەتەكانی خۆیتان لە داهاتوودا نیشان دەدات و ئەوكاتە دەیناسن كە ئایەتەكانی خودایە.

http://www.youtube.com/watch?v=MJ_-PMGjTs8
Share Button

1482 جار ئه‌م بابه‌ته‌ خوێندراوه‌ته‌وه‌

Scroll to top